簡單。泰式冰鎮鮑魚
最近的鮮鮑魚價錢平又抵食，煮法亦有多種！見好多谷友媽媽都經常做主菜呢！所以，參考過幾遍食譜之後就試整一下，味道果然醒神又開胃，小B大贊好食呀😋
材料:
。鮮鮑魚兩份，約十至十二隻！可叫魚檔替你起肉，免回家自己落手。返去只需要再洗擦乾淨，撇咗個嘴！個嘴就係紅色那個小圓嘴👄放入滾水煮三分鐘左右，剩涼切片備用！
汁料:
。青檸檬兩個，榨汁
。雞汁一茶匙
。魚露一茶匙
。蠔油一茶匙
。上湯兩湯匙
。糖一茶匙
。檸檬葉兩至三片，切絲，再切碎！
。乾葱一粒，切碎！
。蒜頭兩粒，切碎！
。芫茜，隨意少少切碎！
做法:
。將煮好的鮑魚，加入湯汁攪勻，包保鮮紙或密實盒，放入雪櫃下層，雪凍食得😋
Search